И покрај апелите да нема собири, низ вевчанските улици полека се собираат маскирани лица
Под силно полициско обезбедување и со маски ниту во услови на светска пандемија, вевчанци не се откажуваат од вековната традиција за одржување на Вевчанскиот карневал и покрај апелите од надлежните да нема собири со цел заштита на населението од ширење на корона вирусот.
Двете василичарски друштва, Горна и Долна маала се оградија од организацијата, а низ вевчанските улици полека се собираат маскирани лица кои сакаат да испратат некоја порака.
Василичарските друштва Горна и Долна маала од Вевчани, како што потврдија вчера за МИА претседателите на двете друштва Перо Ташиноски и Мирослав Костојчиноски, по средбата со градоначалникот Сашо Јанкоски, се откажаа од организација на Вевчанскиот карневал, кој традиционално речиси 15 века се одржува на 13 јануари.
Одлука, како што посочија, ја донеле со цел заштита на населението од ширење на коронавирусот.
Карневалот е вековна традиција во Вевчани, а вевчанци цела година живеат со идеите како ќе се маскираат. Вевчанци ќе кажат се, но до карневалското дефиле маските ги чуваат во тајност. Традиционално карневалот почнуваше со дефиле под маски напладне на 13 јануари, а следниот ден маските се палат во центарот на Вевчани, со што завршува манифестацијата.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари