Хуманитарните работници и новинарите ја напуштаат североисточна Сирија
Странските хуманитарни работници и новинарите денеска во голем број се собраа на граничниот премин Семелка, на границата меѓу Сирија и Ирак, за да ја напуштат сириската територија, јавија американските медиуми.
Нивното заминување од Сирија се должи на турската офанзива, што почна минатата недела, но и на враќањето на единиците на сириската влада во регионот, што во последните неколку години беше управан од практично автономните курдски власти, пренесе БТА.
И покрај тоа што малку организации имаат издадено официјални соопштенија, се чини дека сите странски хуманитарни работници ќе си заминат. Десетици странски новинари кои известуваат за турската офанзива, исто така, си заминале од страв да не паднат во мрежата на владините безбедносни сили.
Припадник на меѓународна хуманитарна организација на граничниот премин Семелка изјави дека речиси сите 250 странски хуманитарни работници во североисточна Сирија ја напуштаат земјата.
Курдската администрација се обидува да ја смири загриженоста на странците, сооопштувајќи дека спогодбата за враќање на сириските владини сили е чисто воено прашање, и дека цела администрација ќе продолжи да работи со вообичаениот ритам, вклучувајќи ја и работата на границата.
Популарно од Свет
Ново на Сител
-
19-годишен мотоциклист загина во сообраќајка во Скопје
-
Алиу: Законот ги штити децата и непушачите, усогласен е со сите засегнати страни
-
Километарски колони и доцнења на граничниот премин Евзони/ Богородица за влез во Грција
-
Влaдатa нajaви пoeвтинувањe нa дизeлoт за 6,5 денари
-
Аеродромот во Минхен затворен еден час поради пријавени нарушувања од пилоти, за кои имало сомнеж дека се предизвикани од дрон
-
Мицкоски: Предлог-законот за заштита од употреба на производи од тутун или сродни производи е компромисно решение на засегнатите
-
Мицкоски ќе се обрати на свечена академија „80 години од доселувањето на Македонците во Војводина“ во Нови Сад
-
MMФ, Светската банка и други институции предупредија дека војната на Блискиот Исток ги оптоварува енергетските резерви
