Хуманитарни настани за помош на Мартин Стојаноски

Културно-уметничкото друштво „Илинден“ од Струга во соработка со центарот за култура „Браќа Миладиновци“ во сабота на 11 мај организираат хуманитарен концерт за помош на 23- годишниот Мартин Стојаноски од Струшкото село Драслајца, кој се здобил со тешки повреди на рбетниот столб во сообраќајна незгода.

За повторно да застане на нозе на Мартин му се потребни 150.000 евра за лекување во Русија.

За таа цел од хуманитарен карактер е и денешното дерби на стадионот „Караорман“ во Струга меѓу фудбалските клубови Лабуништа, чиј голман бил Стојаноски и Пелистер.

Со хуманитарни настани се приклучуваат и КУД „Дримкол“ од Вевчани, студиото за танц „Бах“, професионалниот фотограф Кристина Затуроска, државното музичко училишта „Тодор Скаловски“, како и други стружани.

Сите хумани граѓани што сакаат да донираат за Мартин, тоа може да го направат со вртење на телефонските броеви 143 107 на Телеком и 143 462 на ВИП, како и на жиро сметка: 210-7000006495-51 NLB.