Хуманитарна помош за социјално загрозените семејства од Кичево

По повод верскиот празник Курбан Бајрам, денеска хуманитарната организација „Класје на добрината“ од Кичево делеше хуманитарна помош за социјално загрозените семејства од Кичево, Кичевско и општина Пласница.

Како што информира претставникот од „Класје на добрината“ од Кичево Ќамил Рушити помошта овој пат исклучиво се состои од свежо месо наменето за социјално загрозените семејства, која се нарекува „курбанско месо“.

- Се работи за донација од кичевци и од дијаспората, кои собраа средства за околу 400 семејства, кои ние како хуманитарна организација ги имаме во нашата евидеција за да им помогнеме и на оние кои немаат можност да готват барем еден празничен ручек, рече Рушити.