Хоти и Вучиќ разговарале за раселени лица и економска соработка
Високиот претставник на ЕУ задолжен за регионалните прашања на западниот Балкан, Мирослав Лајчак, изјави дека лидерите на Србија и Косово покажале посветеност на денешната рунда преговори во рамките на Дијалогот за нормализација на односите меѓу Белград и Приштина, јави дописничката на МИА од Брисел.
Ова беше првата физичка средба во рамките на Дијалогот помеѓу српскиот претседател, Александар Вучиќ, и косовскиот премиер, Авдулах Хоти, под покровителство на Европската унија во Брисел. Претходно се одржа една рунда преку видеоконференција.
За првпат по дваесет месеци Приштина и Белград прифаќаат повторно да разговараат за нормализација на односите.
Лајчак кусо изјави за медиумите вечерва дека на денешната рунда лидерите покажале посветеност. Темите на дневен ред биле исчезнатите и раселените лица, „симболична тема за помирувањето и многу конкретна за семејствата“, рече Лајчак.
Втората тема на дневен ред денеска била економската соработка.
-Економската соработка е еден од столбовите на Европската Унија, интензивирањето на економската соработка, искористување на целосниот потенција на Косово и Србија и подобрувањето на животниот стандард на луѓето, објасни специјалниот претставник, се теми за кои лидерите на Србија и Косово прифатиле интензивно да работат.
Идната недела веќе ќе се одржи нова рунда на експертско ниво на овие теми, а двајцата лидери се согласиле да се сретнат повторно физички во Брисел на почетокот на септември.
Ново на Сител
-
Тема на денот со отец Горан Стојчевски
-
Верниците го слават Велигден, црквата со порака за национално обединување и надминување на разногласијата
-
Со биење на камбаните најавено Христовото воскресение во Охрид
-
Вообичаен број интервенции на скопската Брза помош за продолжениот празничен викенд
-
Ден на македонскиот јазик
-
Групацијата за осигурување во вторник носи одлука дали ќе ги врати парите за полисите на граѓаните кои платија поскапо
-
Политичарите испратија пораки за мир и спокој на Велигден
-
Парламентарни избори 2024