Хорор: Во инцидент на најголемиот крузер во светот еден загинат и четворица повредени
Еден член на екипажот загина, а четворица други се повредени во несреќата што се случи на најголемиот брод за туристички патувања во светот „Хармонија на морињата“, соопшти компанијата сопственик на крузерот „Ројал Карибиан Круз“.
Инцидентот се случил за време на една редовна вежба за спасување, кога чамец за спасување, во кој се наоѓале петмината членови на посадата, се откачил и се урнал од 10 метри височина во море.
Од четворицата повредени, двајца се наоѓаат во животна опасност.
Инцидентот се случил во Марсеј на југот од Франција, каде „Хармонија на морињата“ се наоѓа во моментов.
Загинатиот член на посадата е Филипинец, додека од повредените, тројца се од Филипините, а еден од Индија.
Бродот е долг 362 метри и на него може да патуваат осум илјади патници и членови на екиажот. Овој крузер е висок колку зграда од 25 ката.
Во бродот на располагање на патниците им се наоѓаат бројни погодности, од 25 ресторани, 23 пливачки базени, театар и повеќе кино сали, до трговски центар и бројни казина и цела низа можности за забава и релаксација.
„Хармонија на морињата“ се наоѓа во редовна пловидба од мај оваа година.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО