Хилари Клинтон ја обезбеди номинацијата на Демократската партија, тврдат американските медиуми
Клинтон, водечкиот претендент на Демократската партија за претседателските избори во САД, ја обезбеди номинацијата, тврдат американските медиуми, повикувајќи се на изброените супер делегати, што таа веќе ги има зад себе, за партиската конвенција, следниот месец.
На Клинтон и беа потребни 2383 делегати за да биде прогласена за кандидат на демократите и се смета дека бројката ја достигнала по уверливата победа на прајмери изборите во Порторико и новата, силна поддршка на супер делегатите, пишува „Вашингтон пост“.
Тие се функционери на Демократската партија и лидери на сојузните држави кои се определуваат за еден од кандидатите во трката за партиската номинација, но не гласаат до одржувањето на конвенцијата.
Нејзиниот противкандидат, сенаторот од Вермонт Берни Сандерс изјави во Лос Анџелес дека не ја признава победата на Клинтон, бидејќи таа е определана само од поддршката на супер делегатите, а тие не гласаат.
Претходно тој порача дека останува во изборната трка до крајот, па дури и да биде поразен во Калифорнија, на денешните прајмери избори.
Медиумите сепак ја прогласуваат Клинтон како првата жена во американската политичка историја, номинирана да биде претседател на САД.
Од првиот претседател Џорџ Вашингтон, пред 227 години, досега имало 44 претседатели, сите мажи и освен еден, сите белци.
Во кусата изјава , Хилари Клинтон не сакаше да ги коментира бројките кои ги изнесуваат медиумите за нејзината победа.
- Се наоѓаме пред историски момент и настан без преседан, но се уште работиме тоа да го постигнеме, рече Клинтон.
Ново на Сител
-
КЛ: Противници од Сан Марино, Белорусија и Црна Гора за Вардар, Работнички и Силекс
-
Сиљановска – Давкова: Во моментов нема поважна политика од политиката на проширувањето на ЕУ
-
Градското собрание на Лос Анџелес осветлено во боите на македонското знаме во сеќавање на жртвите од трагедијата во Кочани
-
Тешко повреден 43-годишник од Србија, со мотоцикл изгубил контрола и паднал на коловозот
-
При ископ во с.Калишта, струшко била пронајдена артилериска граната 105 мм со потекло од Првата светска војна
-
Приведени две лица од Бугарија на ГП Табановце, при гранички проверки пронајдена е дрога
-
50-годишна скопјанка пријавила дека била следена и вознемирувана на социјална мрежа од нејзиниот сосед
-
Приведен 32-годишен скопјанец, управувал возило под дејство на алкохол и предизвикал сообраќајна незгода