Хероин пронајден при претрес во Гостивар, уапсен 69-годишник

Полициски службеници од ОВР Гостивар на 9 февруари 2026 година околу 15:30 часот лишиле од слобода 69-годишен жител на Гостивар, поради сомнение за поседување наркотична дрога.

При контрола на лицето и на патничкото возило „фолксваген пасат“ со гостиварски регистарски ознаки кое го управувал, полицијата пронашла и одзела три пакувања со кафеава прашкаста материја. По добиена судска наредба, бил извршен претрес и во неговиот дом и помошните простории, при што биле откриени уште три ќеси со истата материја.

Осомничениот бил задржан во полициска станица, а по целосно документирање на случајот, против него ќе биде поднесена соодветна пријава, соопштија од Министерството за внатрешни работи.