Свет
14. March 2019 - 12:39

Хаос во авиосообраќајот во САД

Во авиосообраќајот на САД е предизвикан хаос откако американскиот претседател Доналд Трамп објави дека засега се приземјува моделот на Боинг 737 Макс.

Вторпат за шест месеци американските власти носат таква одлука за одреден тип на авиони на Боинг.

Како причина за ваквата одлука Трамп наведе „нови информации“ кои излегле на виделина во тековната истрага, но не откри повеќе детали.

Од забраната се погодени патници на три американски авиокомпании. Поради одлуката сега се бара замена за 72 авиони Боинг 737 Макс и пререзервација на летови.