Гвардиола подготвен да помогне да се најде нов менаџер на Манчестер Сити
Пеп Гвардиола е подготвен да го советува Манчестер Сити кога клубот ќе почне да бара негова замена како менаџер, јавија германските медиуми.
Шпанецот е во последната година од договорот и според некои информации нема да продолжи со „граѓаните“. Самиот тврди дека се уште не донел конечна одлука дали ќе остане и десетта сезона на „Етихад“.
Кога ќе дојде време двете страни да се разделат, тренерот изрази подготвеност да помогне. Со Сити, Гвардиола освои шест титули во Премиер лигата, како и Лигата на шампионите.
-Секако, со врските што ги имам, ако ме прашаат, ќе дадам мислење. Сепак, одлуката ќе ја донесат тие, а не јас. Ќе го дадам своето мислење како пријател, бидејќи доживеавме незаборавни моменти заедно. Сепак, би рекол дека новиот спортски директор треба да го избере менаџерот, изјави Гвардиола.
Шпекулациите за заминување на Гвардиола ги подгреа и фактот што клупскиот директор и долгогодишен пријател на тренерот, Чики Бегиристајн, заминува следното лето.
Манчестер Сити во недела гостува кај Вулверхемптон. Плејмејкерот Кевин Де Бруин и дефанзивецот Нејтан Аке веројатно нема да започнат бидејќи не се целосно закрепнати од повредите здобиени пред паузата за репрезентативни настапи.
Ново на Сител
-
ПМФЛ: Силекс го победи актуелниот шампион, Вардар поразен и од Беса
-
Алаба не се откажува, почна да трча без болки во коленото
-
Шпанската крајбрежна стража спасила над 230 мигранти кај Канарските острови
-
Лавров: Изјавите на Бајден за намалување на нуклеарното вооружување без предуслови се измама
-
Нетанјаху во разговор со Трамп: Ќе носиме одлуки во наш национален интерес
-
Наутро со можна појава на магла, а преку ден претежно сончево
-
Сообраќајот без застои
-
САД го истражуваат протекувањето на строго тајни документи со детали за израелските планови за напад на Иран