Груевски: Апсења за дефокусирање од рекетот, криминалот, неработењето и предавствата на власта

Со статус на фејсбук повторно се огласи почесниот претседател на ВМРО-ДПМНЕ Никола Груевски во кој тој зборува за наводни понуди за спогодби, кои ги добивале поранешни функционери на партијата како Миле Јанакиески  натаму осудени за 27-ми април но и самиот тој.

Азилантот Груевски во фејсбук статусот  ја велича нивната цврстина и морал.

- Настрана што дел од нив јавно ме критикуваа, тие покажаа неверојатна цврстина, висок морал и силен интегритет бидејќи под многу уцени, закани, притисоци, изживувања кои се уште траат, закани по нивното здравје и живот, уништување на нивните семејства, неприфатија валкани непристојни понуди за кои нашироко се зборува, со цел од нив да изнудат лажни изјави за други луѓе неправедно да се обвинат, а за возврат тие да добијат олеснување. Таква тортура со истовремено такви понуди можат да издржат само вистински патриоти – идеалисти. Тоа е за почит, напиша меѓу другото Груевски во денешниот статус на Фејсбук.