Груби: 13.000 Албанци добија македонско државјанство откако ДУИ е на власт

Заменик претседателот на Владата и министер за политички систем и односи меѓу заедниците, Артан Груби на својот Фејсбук профил објави дека во времето додека ДУИ се на власт, со македонско државјанство се стекнале13 илјади Албанци.

– Досега, над 13.000 Албанци граѓани на Северна Македонија добија државјанство, додека вкупно се во постапка само 2.674 апликации, вклучително и сите други заедници – објави Груби како одговор на предложениот закон за државјанство од страна на Алијансата за Албанците и Алтернатива.

Тој додаде дека дури и ако има само едно единствено лице без државјанство кое ги исполнува условите, ќе добие државјанство.