Грк му нудел 20 евра на македонски полицаец за да го пушти без зелен картон на „Богородица“

Грк на граничниот премин „Богородица“ му нудел 20 евра на македонски полицаец за да го пушти без зелен картон.

„Денеска (02.09.2023) на граничниот премин Богородица во 17.45 часот полициски службеници од РЦГР Југ го лишија од слобода Х.Ј. од Грција поради сторено кривично дело нудење поткуп. Имено, Х.Ј. се обидел да влезе во Република Северна Македонија со патничко моторно возило „пежо 206“ со германски регистерски таблички, но не поседувал зелен картон. Кога од страна на полициски службеник му било укажано дека мора да извади зелен картон, тој почнал агресивно да се однесува, а потоа му понудил поткуп од 20 евра на полицискиот службеник,“ се наведува во соопштението на МВР.

Како што информираат од МВР, Х.Ј. е веднаш лишен од слобода, а по документирање на случајот ќе биде поднесена кривична пријава до ОЈО Гевгелија.