Грција ќе стигне до еден милион вакцинации
Грчкиот премиер Кирјакос Мицотакис денеска изјави дека денеска ќе биде надмината симболичната бројка на еден милион дози,што значи дека секоја седмица што поминуваа градиме ѕид на имунитет. Тој најави дека од април Грција ќе има на располагање многу повеќе дози, јави дописничката на МИА од Атина.
Мицотакис истакна дека наспроти добрите вести за вакцинацијата има и „загрижувачки вести“ поврзани со мутациите, односно британскиот сој, кој преовладува во земјата и брзо се шири, па затоа има зголемување на бројот на нови случаи и притисок врз здравствениот систем.
– На овој напад одговараме со продолжување на зајакнувањето на нашите болници. Пред сѐ во Атика, каде што го имаме најголемиот проблем. А со фактот што рано презедовме рестриктивни мерки, можеме да управуваме со ситуацијата и покрај тешкотиите. Во спротивно, ќе станевме Португалија или Чешка. Од денеска, како што знаете, ја надградуваме одбраната на јавното здравство, правејќи го поефикасно спроведувањето на контролираното движење, истакна грчкиот премиер.
Од шест часот утрово во Грција во сила се построги измени на актуелните мерки, со цел да се ограничи раздвиженоста на граѓаните и да се спречи дополнителното ширење на коронавирусот, а паралелно се прави реорганизација на атинските болници, поради зголемениот број пациенти.
Неколку болници се исклучиво во ковид клиники, а една од воените болници во Атина и приватна клиника ќе биде „не ковид“ болници.
Од почетокот на пандемијата во Грција има 197.279 потврдени случаи на Ковид-19, а починаа 6.597 лица.
Грција од 7 ноември 2020 година е во карантин и со воведен полициски час, о исклучок на мали временски периоди кога постоеше олабавување на мерки, додека пак областа Атика, поширокиот регион на Атина во строг карантин е веќе 20 дена.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри