-->
-->
Грција, Кипар и Израел денеска во Атина ќе го потпишат договорот за гасоводот EastMed
-->
Во присуство на грчкиот премиер, Кирјакос Мицотакис, кипарскиот претседател, Никос Анастасиадис и израелскиот премиер Бенјамин Нетанјаху, министрите за животна средина и енергија на Грција, Кипар и Израел попладнево во Атина ќе го потпишат договорот меѓу трите земји за изградба на гасоводот EastMed, јави дописничката на МИА од Атина.
Гасоводот во должина од 2100 километри тргнува од Израел, а преку Кипар и Грција стигнува до Италија.
Италија дополнително ќе го потпише договорот, а надлежниот министер за енергија Стефано Патуанели, испратил писмо до неговиот грчки колега Костис Хаѕидакис во кое испраќа честитки за иницијативата и ја изразува поддршката на Италија.
Пред потпишувањето на договорот ќе се одржи трилатерална средба на Мицотакис, Анастасиадис и Нетанјаху.
На манифестацијата за потпишување на договорот, по покана на министерот за животна средина и енергија на Грција, ќе присуствуваат и претходните министри од СИРИЗА и Движење на промена, бидејќи, како што вели Хаѕидакис, и тие придонеле планот да се спроведе во пракса.
-->
-->
-->
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228