Грчкиот заменик-министер за транспорт смета дека во преамбулата на македонскиот Устав има иредентизам
Цврстата позиција дека Независни Грци не можат да прифатат име што ќе го содржи терминот Македонија, уште еднаш беше изразен од член на партијата -коалиционен партнер во владата.
Овој пат, од заменикот-министер за транспорт, Никос Мавраганис, кој говорејќи утрово за државната телевизија ЕРТ, јавува дописникот на МИА од Атина, рече дека во преамбулата на македонскиот Устав има иредентизам и тоа е главната причина зошто не го прифаќа терминот Македонија.
Мавраганис е член на владата од редовите на Независни Грци.
- Ова не е опсесија или радикална позиција и однесување, туку е затоа што државата на Скопје, го поставува ова барање за да има такво име, токму затоа што во преамбулата на нивниот устав, предвидува дека треба да се создаде една поширока македонска држава и се стреми кон одбрана на наводната македонска националност. Ако ова не беше во нивниот устав, ако беа отстранети овие иредентистички стремежи, тогаш поразлично ќе ги гледавме работите. Но тоа не е отстрането. И затоа остануваме на тоа дека во никој случај не може да се користи терминот Македонија во какво било сложено име, па дури и да биде ерга омнес, рече заменикот министер за транспорт, во интервјуто за ЕРТ, пренесува МИА.
На прашањето од новинарката дали се согласува со позицијата на Коѕијас за сложено име со терминот Македонија, Мавраганис, кусо одговара дека сложено име за севкупна употреба би можело и да не го содржи терминот Македонија.
За попладневните часови, јави дописникот на МИА од Атина, закажан е состанок националниот совет на Независни Грци, на кој ќе се обрати претседателот на партијата Панос Каменос.
Заменик-министерот за транспорт, за ЕРТ рече дека советот ќе ја ратификува позицијата за името, но лично тој, смета дека она што го објасни во интервјуто за државната телевизија ги изразува и позициите на членовите на партијата и на самиот лидер, Каменос.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево