Грчкиот Парламент ѝ изгласа доверба на новата Влада
Со 158 гласа „за“ и 142 „против“ Владата на Кирјакос Мицотакис доби доверба од грчкиот Парламент на крајот од тридневната расправа што почна во саботата попладне, а заврши денес во 22 часот и 30 минути, јави дописничката на МИА од Атина.
Гласаа сите 300 пратеници, а Владата доби поддршка само од пратениците од Нова демократија.
Расправата траеше 31 час, збор зедоа 155 говорници од кои 33 министри, 108 пратеници, како и лидерите на политичките партии и премиерот на Грција.
Непосредно пред гласањето, свое обраќање имаше грчкиот премиер Кирјакос Мицотакис кој објави и низа мерки за погодените и семејствата на жртвите од ланските пожари во Мати.
Пред почетокот на последниот предвиден циклус од расправата односно обраќањето на лидерите на политичките партии, на премиерот и министерот за финансии, претседателот на Парламентот, побара од пратениците со едноминутен молк да им оддадат почит на жртвите од катастрофалните пожари, со оглед на тоа дека утре се навршува една година од денот кога 102 лица трагично ги загубија животите во поширокиот регион на Рафина.
Ново на Сител
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот