Грчката Влада повтори дека нема да има нови мерки во 2018 година
Тоа што Меѓународниот монетарен фонд (ММФ) ги ревидира проекциите за примарниот суфицит на Грција за 2016 година е позитивно, изјави денеска портпаролот на грчката Влада, Димитрис Цанакопулос.
- Ова докажува дека резервираноста на Фондот за фискалните перформанси на Грција, кои ги оддолжија ревизиите на првата и втората програма, беше неоправдана, додаде тој.
Како што јави дописникот на МИА од Атина, Цанакопулос исто така ги отфрли сценаријата за дополнителни мерки во 2018 година.
Тој додаде дека грчката Влада ќе поднесе конкретни предлози и цели на расправата на пролетните состаноци на Светската банка и Меѓународниот монетарен фонд.
Портпаролот на Владата истакна дека цврста позиција на официјална Атина е што е можно пониски вишоци, со цел грчката економија да постигне високи стапки на раст.
- Бараме суштинско и одржливо решение кое ќе вклучува конкретни среднорочни мерки за решавање на грчкиот долг, истакна тој.
Цанакопулос исто така рече дека Владата ќе продолжи напорно да работи за да се постигне сеопфатен договор за завршување на вториот преглед на програмата, одредување на фискалниот курс по завршување на програмата и поставување на среднорочни мерки за долгот со цел да се продолжи кон следниот чекор, учество во програмата на ЕЦБ за квантитативно олеснување.
Ново на Сител
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата