Грчката полиција разби мрежа за шверц на цигари
Грчката полиција разби голема криминална група која се занимавала со увоз, извоз и трговија на огромни количества шверцувани цигари во Грција и Бугарија.
Како што јави БТА, шверцуваните цигари биле пренесувани со комиони, најчесто во вечерните часови, при што биле користени и „извидувачи“ со цел да бидат избегнати полициски патроли.
Цигарите во Грција најчесто пристигнувале по морски пат, по што биле дистрибуирани во Атина, Солун, во областите на северна Грција, како и во Бугарија.
Мрежата функционирала во текот на целата 2015 година, при што според полицијата, биле прошверцувани преку 110 милиони парчиња цигари.
При полициската операција, спроведена во Атина, Солун, Бер и Серес, биле уапсени 29 членови на криминалната група, меѓу кои и двајцата лидери - етнички Грци по потекло од Грузија .
Со шверцот групата и нанела штета на Грција од околу 19 милиони евра на име неплатени царини и даноци.
При претресот на становите биле запленети над 15 милиони парчиња шверцувани цигари, електронска опрема, мобилни телефони, какои и шест товарни возила и десет автомобили, кои биле користени за транспорт на шверцуваната стока.
Ново на Сител
-
Последен ден од кампањата - Партиите и коалициите со завршни митинзи
-
Над 200 болни и 203 затвореници утре ќе гласаат во Штип
-
Со изборен навигатор можете да проверите која партија и програма се најблиску до вашите убедувања
-
Со добра понуда и бројни настани Охрид може да привлекува туристи преку цела година
-
Преглед на вестите од светот
-
Тема на денот со отец Горан Стојчевски
-
Верниците го слават Велигден, црквата со порака за национално обединување и надминување на разногласијата
-
Со биење на камбаните најавено Христовото воскресение во Охрид