Грчката крајбрежна стража спаси 12 израелски туристи

Грчката крајбрежна стража денеска спасила 12 израелски туристи кои поради силен ветар останале заробени во кајаци меѓу два острови во источниот дел на Егејското Море.

Туристите побарале помош откако утрово тргнале од островот Кос на блискиот Нисирос, околу 20 километри јужно.

Тие биле евакуирани од три приватни бродови и биле вратени на Кос откако ги забележал екипаж на спасувачки хеликоптер, соопшти крајбрежната стража.