Гран При на „Битолино“ за израелската претстава „Четири басни и Кралицата“
Гран При наградата за „Најдобра претстава во целина“ на овогодинешниот Интернационален детски театарски фестивал „Битолино“ ја доби театарската компанија „Рути Тамир“ од Модин, Израел за претставата „Четири басни и Кралицата“.
Како што соопштија организаторите на фестивалот, за наградата одлучуваше тричлено жири во состав Валентина Луц која е режисер и директор на Детскиот државен театар на Портите на Нарва од Санкт Петербург – Русија, како и актерката Соња Михајлова и режисерот Јован Ристовски од Народниот театар од Битола.
Директорот на фестивалот Васко Мавровски истакна дека особено е горд што петтото јубилејно издание помина одлично, со многубројна публика на сите претстави, а воедно и најави дека подготовките за шестото издание на Битолино ќе започнат уште од утре и ќе се потрудат да биде уште подобро издание.
„Четири басни и Кралицата“ е претстава во која четири приказни се заробени во една бајка, една виртуозна комична креација за осум животни и една кралица. Претстава која создаде еден магичен свет во кој на пластичен и лесен начин со многу специфични движења една актерка ни претстави четири приказни кои никого не остави рамнодушен. Рути Тамир дипломирала класичен и модерен балет во Израел, а своето образование го продолжила на универзитетите во Флорида и Охајо на секторите за актерска игра и пантомима, но исто така има работено во многу држави низ светот и е добитник на наградата за најдобра актерка во Израел за 2013 година.
На третиот и последен ден од Битолино беа прикажани претставите „Овоштарникот со праски“ во продукција на „Маска“ театар од САД и „Кралицата Конг“ во продукција на денс компанијата „Ла Базока“ од Авр, Франција со која се затвори фестивалот.
Ново на Сител
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени
-
Санкционирани 179 возачи во Скопје
-
Затруен од наркотици пронајден во бессознание во двор во Кавадарци