Градоначалникот Трајановски ја посети општина Чаир
За општина Чаир следната година предвидени се три проекти, атмосферска канализација од улицата „Џон Кенеди“ до „Цветан Димов“, во вредност од 50 до 60 милиони денари. Булеварот „Христијан Тодоровски-Карпош“, од „Џон Кенеди“ до седиштето на општина Чаир ќе биде направен со четири ленти, а булеварот „Никола Карев“, (Пластичарска улица) ќе биде реновиран се до Американската амбасада.
Ова го истакна градоначалникот на Град Скопје Коце Трајановски, кој во рамки на 13-от циклус посети на скопските општини, денеска беше во Чаир.
- Во координација со општина Чаир ќе ги разгледаме можностите за подобрување на сообраќајот на улицата „Цветан Димов“, за поголем проток, рече Трајановски, кој заедно со градоначалникот на Чаир Изет Меџити го посетија паркот на природата „Гази Баба“, во близина на ПМФ.
Трајановски информира дека јавните претпријатија на Град Скопје три дена ќе работат во општина Чаир. Ќе се доуредува зеленилото, ќе се чистат и мијат улици, ќе се собира сметот. ЈП „Улици и патишта“ ќе ги санира ударните дупки на локалните улици.
- Парк-шумата „Гази Баба“ се доуредува, се коси тревата, а ќе се изготвува и проект за систем за наводнување. Ќе се садат дрвца.. На почетокот на игралиштето зад ПМФ ќе се постават столпчиња за да се оневозможи движење на возила. Има и пашечка патека, која е осветлена во должина од 500 метри, рече Трајановски.
На новинарско прашање за гасифакација, Меџити рече дека е договорено штом ќе почне гасифакацијата на Скопје, Чаир да биде во првите три или пет општини. Според него, пред Нова година треба да почне изградбата на Бит-пазар.
Ново на Сител
-
Најмалку тројца загинати во експлозија на киоск во Дизелдорф
-
ОЈО Скопје прибавува и анализира докази за Палчо, истрагата за останатите петмина осомничени во завршна фаза
-
Најмалку четворица мигранти загинаа во сообраќајна несреќа во Хрватска
-
Запленети 4,8 килограми злато при влез на ГП Богородица
-
Тече истрагата за убиството на Вања и Панче, првоoсомничениот Палевски во притвор
-
Летна наградна авантура со Веро, 400.000 денари за најсреќниот купувач
-
Мицотакис: Било кое отстапување од Договорот од Преспа ќе има последици и во билатералните односи и на патот на Скопје кон ЕУ
-
Пелистер го совлада Работнички, ќе игра со МЗТ за титулата