Градоначалникот на Солун понуди помош за настраданите во невремето
По повод катастрофалното невереме што го зафати скопскиот регион, телеграми со сочувство до претседателот на Република Македонија Ѓорге Иванов, упатија претседателите на повеќе држави од регионот и светот, соопшти денеска неговиот кабинет.
Сочувство за настраданите во невремето вчера упати и градоначалникот на општина Солун, Јанис Бутарис.
- Бидете уверени дека општина Солун и покрај тешкото оптоварување во обезбедување на хуманитарна помош за неколку илјади мигранти и бегалци, е подготвена и има волја да соработува со надлежните институции од вашата земја, со цел олеснување и помош на настраданите граѓани. Би ценеле доколку ги посочите конкретните потреби од наша помош и начините за поддршка кои сметате дека се најсоодветни за да бидеме ефикасни и успешни стои во телеграмата од градоначалникот Бутарис.
Сочувство до семејствата на загинатите во елементарната непогода изрази и претседателот на Република Бугарија Росен Плевнелиев, истакнувајќи дека трагедиите од овој вид напоменуваат колку е важно да се биде сплотен во тешки моменти.
Изрази на солидарност и сочувство упати и државниот врв на Република Албанија, и воедно искажа подготвеност да и помогне на Република Македонија, за надминување на последиците од невремето со трагичен биланс.
Сочувство до семејствата на жртвите и поддршка за надминување на трагичната состојба, во лично име и во име на словенечкиот народ, упати и претседателот на Република Словенија Борут Пахор.
Изрази на жалење и сочувства до семејствата на загинатите и настраданите во невремето упатија и Република Турција, Република Полска, Република Хрватска, Унгарија, Босна и Херцеговина, Ватикан, Република Белорусија, Кралството Мароко, како и Генералниот директор на УНЕСКО Ирина Бокова. Во телефонски разговор со претседателот Иванов, сочувство за настраданите упати и претседателот на Црна Гора Филип Вујановиќ, соопшти кабинетот на македонскиот претседател.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево