Град Скопје поднесе барање за лиценца за дистрибуција на топлинска енергија

Град Скопје поднесе барање за лиценца за дистрибуција на топлинска енергија, соопштија од Регулаторната комисија за енергетика.

 

Директорот на Регулаторна Марко Бислимовски уверува дека корисниците ќе имаат непречена испорака на топлинска енергија, а целата постапка на преземање на лиценцата ќе биде транспарентна.

 

Според законската регулатива, потребни се најмалку 45 дена за новоформираното претпријатие Градски Енергетски Системи (ГЕС), во сопственост на Град Скопје, да може да почне да врши дистрибуција на топлинска енергија, не сметајќи ги при тоа сите рокови предвидени за жалби.

 

Во моментов БЕГ Дистрибуција е фирмата снабдувач со топлинска енергија и има 35 годишна лиценца за вршење дистрибуција на топлинска енергија, чија важност е до 2047-та година. За да може ГЕС да дистрибуира, потребно е најпрво Регулаторна да ја поништи лиценцата на БЕГ Дистрибуција. Првиот човек на РКЕ вели дека за да ја добие ГЕС лиценцата ќе мора најпрво да докаже дека претпријатието има технички капацитет но и доволно човечки ресурси за да врши непречена испорака на топлинска енергија.