Кошарка
8. February 2017 - 12:33

Гостивар - Вардар се борат за пласман на завршницата на Купот

Лидерот во Втората лига Гостивар и последно пласираниот тим од елитното друштво Вардар вечер од 19 часот во салата „Младост“ во Гостивар ќе одлучуваат за последниот учесник на завршниот турнир на најдобрите осум екипи во кошаркарскиот „Лимак Куп“ на Македонија.
 
Гостивар и Вардар  иако во првата фаза од осминафиналето беа во улога на аутсајдери во дуелите против подобро рангираните екипи на Струмица и Пелистер, сепак на крајот  успеаја да се пласираат во завршниот осминафинален меч од купот .
 
Гостивар во интересен и израмнет меч ја доби Струмица со 80:75, а младите кошаркари на Вардар го декласираа Пелистер со 108:54.
 
Завршниот турнир од националниот куп ќе се игра од 17 до 19 февруари во салата „Јасмин“ во Кавадарци.