Кошарка
10. January 2018 - 18:27

Гостивар се засили со репрезентативецот Магдевски

 
 
Македонскиот репрезентативец Андреј Магдевски е новото засилување за КК Гостивар. 
 
Денеска и официјално Магдевски потпиша договор до крајот на тековното првенство, во кое гостиварскиот клуб има големи амбиции, особено по одличните резултати во есенскиот дел од шампионатот.
 
„Со доаѓањето во Гостивар очекувам личен напредок во кариерата и со тимот да бидеме конкурентни во првенството, се надевам на успех”, изјави Магдевски.
 
Репрезентативниот плејмејкер, беше меѓу најдобрите кошаркари во досегашниот дел од првенството, во редовите на сега веќе поранешниот клуб Фени Индустри, со одличен просек од 17,4 поени, 5,1 скок и 5,7 асистенции по натпревар.
 
Гостивар по првиот дел од шампионатот е на четвртото место на табелата со 7 седум победи и 4 порази.