Голем пожар на Закинтос

Голем пожар изби попладнево на грчкиот остров Закинтос, во шумата меѓу селата Килиоменос и Агалас. Пожарот избувнал околу 14 часот по локално време, јавува АНА.

Во гаснењето на огнот учествуваат 20 пожарникари со седум противпожарни возила, а се очекува да помогнат и авионите.

Во гаснењето на пожарот помага и локалното население и засега нема опасност за туристите и тамошните жители.