Голем дел од интернетот падна: Нов голем проблем со Cloudflare

Корисниците на интернет ширум светот пријавуваат масовни прекини во работата на платформите кои го користат Cloudflare, меѓу кои се Zoom, Canva, LinkedIn и Down Detector.
Cloudflare обезбедува услуги за голем број познати сајтови, вклучувајќи ги Discord, Notion, X, Spotify, Canva, GitHub и Stack Overflow.
Проблемите ги погодија и продажните платформи – Shopify, Etsy, Wayfair, H&M – како и одредени медиуми, меѓу кои Politico, Axios, BBC и други.
Дури и Down Detector, сајтот што ги следи дефектите на интернетот и апликациите, во моментов има потешкотии.
Cloudflare е компанија која помага на речиси секоја петта интернет страница да го обезбеди и управува својот интернет сообраќај. Многу платформи кои сега се паднати ги користат нивните сервери.
Кон крајот на ноември се случи сличен дефект на десетици сајтови кои го користат Cloudflare, поради што коосновачот и директор на компанијата, Метју Принс, се извини „за болката што му ја нанесовме на интернетот“, како што напиша на блог.
Тогаш прекинот на работата беше предизвикан од пад на системот кој ги штити сајтовите од DDoS напади – обид серверот да се преплави со сообраќај и да се онеспособи. Принс нагласи дека тој претходен инцидент не бил последица на кибер напад.
Сè уште не е познато што го предизвика денешниот прекин.
МИА
Ново на Сител
-

Приведени девет возачи, петмина управувале возило без положен возачки испит
-

Безживотно тело на 38-годишен маж со прострелна рана пронајдено кај Смилковци
-

Мицкоски: Даваме сè од себе да реализираме проект повеќе и да создадеме подобри услови за живот на граѓаните
-

Франција стравува од ескалација на протестите, 70.000 полицајци и жандарми распоредени на улиците
-

54-годишник од Куманово истурил две шишиња бензин во семејниот дом и се заканувал дека ќе ги запали ќерката и внуката
-

Медведев против Зверев во полуфиналето на завршниот АТП турнир
-

Кривична за две лица осомничени за кражба – Полицијата пронашла украден мебел, радијатори и бела техника
-

МВР: Приведени две лица во Струга, едниот управувал возило со претходно изречена забрана, додека кај сопатникот пронајдена е дрога
