Гојковиќ: Новата српска влада ќе биде гласана до крајот на следната недела
Новата српска Влада на мандатарот Ана Брнабиќ до крајот на следната недела треба да биде утврдена во Парламентот, изјави денеска претседателката на Парламентот, Маја Гојковиќ, пренесе ТАСС.
Според парламентарните процедури, Брнабиќ треба од Парламентот да побара специјална седница, на која ќе се ислуша нејзиното експозе и да бидат разгладени составот и програмата на идната влада.
Гојковиќ смета дека расправата за владата ќе трае неколку дена, но до крајот на следната недела Србија ќе го добие новиот владин кабинет.
Претседателката на Парламентот потврди дека претседателот Александар Вучиќ веќе го поднел до Парламентот официалниот документ, со кој на Ана Брнабиќ и го дава мандатот за состав на новата влада.
Доколку предложената влада од Брнабиќ биде утврдена од Парламентот, тоа ќе биде 15-та влада по ред од 1990 година, кога во Србија беше воведен повеќепартискиот систем.
Се очекува формирањето на новиот кабинет да заврши до 22 јуни, за да може владата во полн состав да присуствува на церемонијата на стапување на должност на претседателот Вучиќ, закажана за 23 јуни.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово