Годишно собрание на риболовците од Крива Паланка

Спортско риболовно-рекреативниот клуб „Мрена “ од Крива Паланка одржа редовно работно годишно собрание на кое покрај годишниот извештај за финансиското работење на здружението беа истакнати проблемите со кои се соочуваат риболовците, а беше презентирана и Годишната програма за работа за тековната 2016 година.

- Посебен акцент беше ставен на проектите реализирани минатата година, порибувањата, но и на проблемите со кои се соочуваме, при што продискутиравме како да се решат. Исто така се договаравме и рибарите даваа предлози како поуспешно да се организираме оваа година, а беше нагласено да се посвети големо внимание на заштитата на рибниот фонд, изјави Александар Рангелов, претседател на СРРК „Мрена“.

Додаде дека треба на Собранието се потенцира и да се почитуваат обврскитe кои призлегуваат согалсно потпишаните договори како концесионери.

- Ја истакнавме и неопходноста и важноста од наша идна поажурна соработка со сите институции, а истакнавме, и кои с еидните проекти кои се планира да бидат реализирани, вели Рангелов.

Според него, мора да се работи во насока на надминување н апроблемите со заштита на рибнито фонд со кои се соочуваа лани.

„Мрена“ од Крива Паланка е едно од најстарите здруженија за спортско-рекреативен риболов во државата, формирано во 1954 година. Во моментов има околу 200 члена, а според одговорните, со годишната програма е планирано и да се организира едукативен камп за млади за поттикнување на младите од општината да се приклучат кон „Мрена“.