„Го градам мојот град“ - 2015

Детскиот културен центар „Карпош“ и годинава, традиционално, по повод Денот на ослободувањето на Скопје, ја организира манифестацијата за предучилишните установи „Го градам мојот град“ - 2015.

Целта на манифестацијата која се одржува во просториите на Детскиот културен центар „Карпош“, е да ги истакне детските творечки способности и  детската креативност, како и поопширно да ги запознае децата со денот 13 Ноември и неговото значење за градот во кој живеат.           

Секоја градинка, како и во изминатите години ќе ја претставува екипа од пет дечиња, а објектот што ќе се гради е по нивен избор, како и градежниот материјал што ќе го користат (коцки, цртежи или природни материјали како лисја, дрвца,...).   

Градинките чии дечиња се учесници на манифестацијата добија и симболични подароци во знак на благодарност за соработката од Детскиот културен центар „Карпош“.