Го фатиле на Табановце со два пасоши

Вчера во 16,40 часот во полициската станица на граничен премин Табановце, на излез од Република Македонија со патничко моторно возило -комби „Мерцедес“ со албанска национална ознака управувано од М.Л носител на албанска патна исправа се пријавил Т.С (1987) од Република Албанија, со албанска патна исправа.

При пасошка контрола, униформирани полициски службеници утврдиле дека сликата од патната исправа, не се совпаѓа со носителот на пасошот,  односно лицето се  послужило со туѓа патна исправа.

По извршен преглед кај лицето пронајдена е патна исправа на име M.E. (1993) од Република Албанија, со која патна исправа утврден е вистинскиот идентитет на лицето.

Од извршениот разговор утврдено е дека лицето влез во Република Македонија остварило истиот ден на граничен премин -Долно Блаце, со туѓата патна исправа.

Лицето е приведено и со потврда за привремено одземени предмети патната исправа на име Т.С. му е одземена.