Балкан
15. October 2021 - 14:09

Ѓукановиќ: Владата е нефункционална, треба да се смени

Актуелната влада е нефункционална и треба да се смени, бидејќи нејзиниот мандат претставува колапс на Црна Гора, изјави претседателот Мило Ѓукановиќ.

Тој на форумот 2BS во Будва истакна дека нефункционалноста на актуелната Влада не го изненадила.

– Владата не може да биде функционална, бидејќи ја имате пешадијата на српскиот свет во Парламентот, нагласи Ѓукановиќ.

Како што наведе, во тој блок се две граѓански коалиции, кои се согласиле да бидат во сојуз со големосрпскиот национализам.

– Го разбирам распетието меѓу потребата за смена на Владата и влезот на Демократскиот фронт, додаде црногорскиот претседател.

Според него, „единствениот излез од ваква лоша ситуација е преку предвремени парламентарни избори“.