Ѓорческа остана без титула на фјучрсот во Падова

Македонската тенисерка Лина Ѓорческа остана без победничкиот пехар на фјучрсот во Падова (награден фонд 25.000 долари). Таа синоќа во двојки со Кристина Дину од Романија загубија од Алисија Матуци и Катарина Питер. Првиот сет Ѓорческа и Дину го добија со 6:2, а во вториот беше 7:6 (7-1) за противничките. Во решавачкиот сет на поени беше 10-8 за победничките.

Инаку, Ѓорческа вчера беше поразена и во второто коло во сингл каде загуби од првата носителка Иселин Бонавентуре од Белгија со 6:4 и 6:3 во сетови. За пласманот во 2.коло ќе добие 5 поени.

Нашата тенисерка од понеделник е пријавена за настап на турнир во Сегед, Унгарија со награден фонд од 50.000 долари.