Ѓоковиќ го освои Мадрид
Најдобриот светски тенисер Новак Ѓоковиќ е победник на Мастерс турнирот – Мадрид Опен. Тој со 2-0 во сетови (6-3 6-4) за 93 минути игра го совлада 9-тиот светски тенисер, Гркот Стефанос Циципас. Со оваа победа Ѓоковиќ се израмни со Рафаел Надал по бројот на освоени мастерс титули од Серијата 1.000 – двајцата имаат по 33.
Во првиот сет Ѓоковиќ прв сервираше, а успеа да направи брејк на сервисот на противникот во вториот гем. Потоа со сигурен сервис и стабилна игра, со многу тешки поени успеа да го добие првиот сет со 6-3.
Во вториот сет се играше израмнето, без брејк можности до 4-4. Тогаш Србинот „додаде гас“, направи брејк, па со следниот сервис извојува нова победа за нова титула.
Финалето во Мадрид кое понуди атрактивен тенис го следеа во живо многу влијателни личности од општествениот живот.
Ова е втора титула сезонава за Ѓоковиќ по онаа на Австралија Опен.
Ново на Сител
-
Две лица се здобиле со тешки телесни повреди при извршување работни задачи
-
Двојно убиство попладнево во скопско Стајковци
-
Анкета на ИРИ: 68% од Македонците поддржуваат членство во ЕУ
-
„Епл“ ги претстави новите „Ајпад про“ таблети
-
„Опен-АИ“ со новости околу „Чет-ГПТ“
-
Словенец ќе биде главен судија во финалето на Лигата на шампионите
-
Гвардиола: Да беше до парите, Јунајтед требаше да ги освои сите титули
-
Разрешен е директорот на Токсикологија, Данил Петровски