Ги затекнале како користат хероин, уапсени 4 лица во Кочани

Полициски службеници од Полициската станица Кочани, вчера во 20:40 часот во Кочани, ги лишиле од слобода С.А.(43), С.М.(22) и У.К.(26), тројцата од Кочани и И.С.(37) од Пробиштип.

Како што соопшти МВР, при претрес во домот на С.А. во Кочани, во кој биле затекнати и С.М., У.К. и И.С., извршен со судска наредба, биле пронајдени и одземени кафеава прашкаста материја, кафеава грутчеста материја, дигитална вага и пари во различни апоени.

-С.М., У.К. и И.С. биле затекнати при користење хероин и притоа, исто така со судска наредба, бил извршен претрес на У.К. и била пронајдена и одземена кафеава прашкаста материја, се наведува во соопштението.

Одземената дрога била дадена на вештачење, а лицата биле задржани во полициска станица. По целосно документирање на случајот, против нив ќе биде поднесена соодветна пријава.