Балкан
23. April 2016 - 21:13

Ги видов Јелена и Зоран како се караат - нов сведок открива што се случило кобниот ден

Човек кој живее покрај стадионот кај насипот во Црвенка, каде што е пронајдена свирепо убиената Јелена Марјановиќ, тврди дека ја видел пејачката со сопругот Зоран кобната сабота на 2. април, кај рампата на почетокот на патеката за трчање.

Тој, како што велат неговите соседи, стоел недалеку од нив и слушнал што зборувале, а сето тоа го пријавил во полиција.

Тој тврди, а тоа и го кажал и на полицијата дека ги видел уште додека биле во автомобилот. Бидејќи ја познавал Јелена од порано, го свртел вниманието кон нив. Дури и сакал да ја поздрави, но се откажал бидејќи слушнал врева во автомобилот.

Всушност, тврди тој, Јелена и Зоран се расправале околу нешто и тонот на Зоран бил многу висок. Јелена прва излегла од автомобилот, по неа излегол сопругот со ќеркичката Јана. Тој продолжил да зборува.

- Соседот вели дека видно се расправале. Веднаш другиот ден се јавил во полиција и се им раскажал, изјави локален жител на Црвенка.