Гевгелискиот кризен штаб бара да се воведе полициски час на територијата на Општината
Кризниот штаб на Општина Гевгелија на денешната седница, по констатираната влошена епидемиолошка состојба во Општината, побара од Главниот кризен штаб да се воведе полициски час на територијата на Општината во периодот од 21:30 часот до 5 часот наутро секој ден до стабилизирање на состојбата.
Покрај ова се бара, за територијата на Општината, да се преиспита зголемувањето на пополнетоста на автобусите на 75 отсто и таа да се врати на 50 отсто, како што беше претходно.
Општинскиот кризен штаб на Гевгелија, се наведува, бара враќање на претходните рестриктивни мерки и примена на мерките за заштита од ширење на Ковид-19 од страна на општинските и државните интситуции, стопанските капацитети и сите економски оператори.
Од денеска, како што посочуваат од Кризниот штаб, се забрануваат групирања на јавни површини во Општината, во туристичките места Смрдлива вода и Негорски бањи како и во планинските села Конско, Серменин и Ума.
На ЈПКД ,,Комуналец,, му е наложено да продолжи со дезинфекцијата на улиците и јавните површини, од надлежните служби, се посочува, се бара да ја засилат контролата во поголемите населени места и да се реактивираат патролните екипи.
Сите членови беа едногласни во донесувањето на денешните заклучоци и мерки. Изминативе два дена во Општина Гевгелија беа регистрирани 77 лица позитивни на Ковид-19.
Ново на Сител
-
ОЈО Битола доби нов Истражен центар за борба против најтешките и најсериозните облици на криминал
-
Николоски: Клучната разлика меѓу оваа и претходната влада е што сега се испорачуваат резултати, откочени се проектите од коридорите 8 и 10
-
Мицкоски: Тоа што не успеаја Тодор Живков и други бугарски политичари со Македонија успеа во време на СДСМ
-
До 13 часот изгаснати четири пожари, еден активен во Берово
-
Украинскиот парламент усвои закон со кој се обезбедува независност на антикорупциските надзорни тела
-
Зеленски повика на „промена на режимот во Русија“ и конфискација на рускиот имот
-
Комисијата за избори и именувања распиша јавен оглас за нов претседател на ДКСК по оставката на Димитровска
-
Во јуни раст од 22.5 % во трговија на мало со храна, пијалаци и тутун