Гевгелија протестира против отворање погон за преработка на отпад
На повик од граѓанското здружение „Спас за нас“ денеска гевгеличани пред зградата на локалната самоуправа се собраа да протестираат против отворање погон за преработка на отпад и продолжување на геолошките истражувања за злато на планината Кожуф, за што повторно барање за концесија поднеле компаниите ПиП индустрис од Италија и Минерал резервоарс од Канада.
Општина Гевгелија на првите барања од истите компании еднаш веќе даде негативно мислење,поради што граѓаните со денешниот протестен собир сакаат да ги охрабрат општинските советници и на денешната седница да го сторат истото.
– Не смееме да дозволиме најчистиот и најубавиот град во Македонија да се претвори во депонија за увозен отпад. Очекуваме и ги охрабруваме нашите сограѓани советници да донесат едногласна одлука со големо НЕ како што тоа го направија во неколку наврати во изминатите две години,а на компаниите им порачуваме отпадот да си го преработуваат дома,рече Ангел Наков,претседател на граѓанското здружение „Спас за нас“.
Гевгеличани генерално им порачаа на сите загадувачи да не го губат времето со овие деструктивни проекти затоа што Гевгелија била и ќе остане еколошка оаза.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари