Германски полицајци соработувале со екстремисти што убиле нивни колега
Двајца германски полициски службеници се суспендирани од своите работни места поради наводни контакти со радикални противници на Владата во Берлин, кои убиле нивни колега за време на претрес на нивниот дом минатиот месец.
Како што јави дописникот на МИА од Берлин, Јавното обвинителство и полицијата во Баварија денеска соопштија дека двајцата полицајци одржувале контакти со осомничените десничарски радикали пред да се случи убиството на полицаец во градот Горгенсгмуенд на 19 октомври.
Властите не ги објавуваат имињата на полицајците, ниту природата на контактите меѓу нив и осомничените екстремисти.
Според баварското обвинителство, полицајците биле во контакт со поддржувачи на движењето Граѓани за Рајхот, кои пукале врз полициската патрола која дошла да им го одземе оружјето за кое предходно била укината дозволата за поседување.
Движењето Граѓани за Рајхот не ја признава легитимноста на германските власти по Втората светска војна, поради што е под мониторинг на германските служби за безбедност.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево