Германската владејачка коалиција бара нови избори во Тирингија

Лидерите на германската владејачка коалиција по кризниот состанок кај канцеларката Ангела Меркел, побараа нови избори во Тирингија, каде по првпат беше избран премиер со помош на крајната десница Алтернатива за Германија (АфД).

Изборот на Томас Кемерих за премиер на Тирингија со помош на гласовите од АфД предизвика бран разочарување, по што, само 24 часа подоцна, тој поднесе оставка

„Ние ја исклучуваме можноста за формирање влада или политички мнозинство со гласови од АфД“, се вели во соопштението на конзервативците на канцеларката Ангела Меркел и централнолевичарските социјалдемократи (СПД), по кризниот состанок во Берлин.

Крајно десничарската АфД е анти-имигрантска партија, обвинета дека е засолниште на нацистичките симпатизери.