Германија загрижена за неспроведувањето на Договорот од Пржино
Специјалниот ополномоштеник за Западен Балкан, Турција и државите на ЕФТА, Ернест Рајхел, на 28 октомври 2015 година го поканил на разговор македонскиот амбасадор во Берлин, Сашо Марковски, во Министерството за надворешни работи, за да му ги пренесе разочарувањето и загриженоста на Сојузната влада за имплементацијата на спогодбата од Пржино, која се уште изостанува, соопшти денеска Германската амбасада во Скопје.
- Како и петте амбасадори во својата изјава од 27 октомври 2015 година во Скопје, д-р Рајхел исто така истакна дека ВМРО-ДПМНЕ мора да ја покаже потребната волја и најбрзо што може конструктивно да ги спроведе спогодбите од 2 јуни и 15 јули 2015 година, стои во соопштението од Германската амбасада.
Целта на Спогодбата, се додава во соопштението, е да се создадат еднакви шанси за сите партии за претстојните избори, пред се, преку спроведувањето на препораките за реформи содржани во т.н. Прибе-извештај. Понатамошното неспроведување ќе има последици врз оценувањето на земјата од страна на Европската комисија за претстојниот извештај за напредок.
- Д-р Рајхел, исто така нагласи, дека СДСМ мора и понатаму да се однесува конструктивно и да се придржува до обврските преземени со спогодбата од Пржино, особено да не објавува понатамошни снимки од телефонски разговори, се наведува во соопштението од Германската амбасада.
Ново на Сител
-
Граѓаните извисија: Три часа евтина струја преку ден летово ќе нема, сега ќе се крои новата цена за од 1 јули
-
Тешко до работа преку Отворен Балкан
-
34 години ВМРО-ДПМНЕ
-
Мицкоски утре ќе го доставува предлогот за Влада до Собранието до недела на полноќ треба да се избере владиниот кабинет
-
Шест години од потпишувањето на Преспанскиот договор
-
Проф. Садикарио: Од Струшкиот медицински факултет ќе излегува импровизиран кадар, а тоа е многу опасно
-
Миле Јанакиевски по 6 години поминати од затвор излезе на слобода
-
Искроено краткорочно и долгорочно решение за срушениот потпорен ѕид кај Детската клиника