Германија планира „единица за рано откривање“ за борба против десничарскиот екстремизам
Германската министерка за внатрешни работи, Ненси Фезер планира да формира „единица за рано откривање“ за кампањи за странска манипулација и влијание како дел од владините напори за борба против десничарскиот екстремизам, јави ДПА.
Планот е дел од пакетот од 13 мерки што Фезер ги претстави денеска во Берлин заедно со шефот на домашните разузнавачки служби Томас Халденванг и шефот на Федералната канцеларија за криминалистичка полиција Холгер Минх.
Новата единица за рано откривање е наменета однапред да препознава кампањи кои се користат за манипулирање со слободното формирање мислење и политичка дебата и за слабеење на демократијата.
- Сакаме да ги искористиме сите инструменти на владеењето на правото за да ја заштитиме нашата демократија.
Сакаме да ги разбиеме десничарските екстремистички мрежи, да им ги одземеме приходите и да им го одземеме оружјето, рече Фезер во изјавата.
Министерството за внатрешни работи се залага и за измена на германскиот устав за подобра заштита на Сојузниот уставен суд од влијанието на непријателите на демократијата.
За ова се разговара и меѓу правните експерти, со особен фокус на назначувањето на судии, пренесе ДПА.
Ново на Сител
-
Поради сообраќајка во прекин сообраќајот на патот Струмица - Валандово
-
Во БиХ продолжува потрагата по исчезнатите во поплавите и свлечиштата во Јабланица, досега најмалку 20 загинати
-
ЈСП: Бесплатен јавен превоз за „Бела ноќ“, изменет сообраќаен режим за Скопски маратон
-
ИДФ се обидува да влезе во јужниот либански град Одаисеј, експлозии и во Бејрут
-
Бајден: Да бев на местото на Израел ќе размислев дали да ги гаѓам иранските нафтени постројки
-
Облачно со повремени врнежи од дожд, наместа засилен ветер
-
Поплавени куќи и улици во Тетово
-
Од детство во војна до пензија во независна држава | Атанас Костовски | Sitel Podcast 061