Германија мора да прими назад мигрант депортиран во Грција
Германија мора да прими назад мигрант, кој е запрен на граница и депортиран во Грција, одлучи суд во Минхен.
Организацијата „Про Асил“ објави денеска дека тоа е прва таква судска одлука, која е донесена една година откако германскиот министер за внатрешни работи Хорст Зехофер постигна договор со Грција за враќање мигранти.
Во пресудата се наведува дека минхенската полиција ги повредила правата на бегалецот. Станува збор за авганистански барател на азил, кој во мај со воз ја преминал границата од Австрија. Германската полиција веднаш одлучила да го депортира во Грција врз основа на базата на податоци на ЕУ, според која тој претходно се пријавил во таа држава.
Сојузната канцеларија за миграција и бегалци не е консултирана во тој случај, а на Авганистанецот не му е овозможен адвокат, тврди „Про Асил“. Бегалецот во рок од 48 часа е испратен назад во Грција, каде бил притворен повеќе од два месеца.
Судот одлучил дека во европското законодавство нема основа за такво делување на полицијата. Службениците на Канцеларијата за миграција и бегалци се надлежни за тој случај, а не полицијата, утврди Судот.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп