Германија го враќа центарот за поправка на украинска опрема од Словачка

– По продолжени преговори, Германија планира да го премести својот центар за поправка на тешката воена опрема на Украина од Словачка во Германија.

Планот е да се пресели центарот за одржување назад во Германија до 31 декември, потврди за ДПА портпаролот на Министерството за одбрана.

Според него, чекорот се презема поради променливи услови и некои исклучително сложени мерки за одржување што мора да се спроведат на оштетените возила.

Центарот за поправка во Словачка постои од крајот на 2022 година за PzH 2000, оклопното возило Динго, артилерискиот ракетен систем МАРС II, како и противвоздушниот тенк Гепард.

Други капацитети за одржување се во Литванија и Украина. – Одржувањето на украинските системи за оружје продолжува да се обезбедува, рече портпаролот.

Партнерот на НАТО Словачка, која граничи со Украина, постојано предизвикуваше тешкотии во оперативните процеси на центарот за поправка, како на пример спор околу толкувањето на европските царински прописи, јави ДПА.

Словачкиот премиер Роберт Фицо постојано го привлекува вниманието поради критиките за поддршката на НАТО и Европската унија за Украина. Фицо планира следната година да отпатува за Москва.