Георгиевски: Не постоеше голема заинтересираност за независност во 1991 година

Првиот потпретседател на Македонија и поранешен премиер, Љупчо Георгиевски во гостување во тема на денот на Сител Телевизија кажа дека немало многу заинтересираност за независност во 1991 година.  Според него, тогаш бил голем стравот од ЈНА дека ќе направи пуч и ќе ги затвори сите тие што се залагат за независност на Македонија.

-Затоа многу македонски политичари беа тивки и исплашени, појаснува Георгиевски.

Тој нагласува дека денес не живееме идеално, но сме покажале капацитет дека треба да имаме и можеме да имаме сопствена држава.

Во однос на војната во 2001 година, Георгиевски вели дека тоа беше за освојување на територии, а не за човекови права, како што зборуваат денеска некои политичари.

-Тогаш се зборуваше за трампа на територии меѓу нас и Албанија, но само беа ставени на маса. Се споменуваше областа околу Преспанското езеро, информира поранешниот премиер.