Габриел: Германија и Русија имаат различен став за мировните сили во Украина

Германскиот министер за надворешни работи Зигман Габриел денеска изјави дека Германија и Франција застапуваат различни позиции од Русија по прашањето за распоредувањето на мировни сили на ОН во источниот дел на Украина. 

Киев и Москва предлагаат ОН да испрати мировни сили, кои ќе помогнат во решавањето на сепаратистичкиот конфликт во Украина, меѓутоа двете страни имаат несогласувања во однос на тоа дали тие сили да бидат распоредени на украинско-руската граница, што е под контрола на бунтовниците.

Како што јави МИА, претходно Германија, Франција, Русија и Украина, водеа преговори за прекин на конфликтот, при кој досега загинаа над 100.000 лица. 

- Гледиштата на Германија и Франција и позицијата на Русија за тоа како да биде оформена мисијата на сини шлемови, се уште се драстично различни, нагласи Габрил во Белорусија. 

Тој оцени дека испраќањето на мировни сили би претставувало вистинска шанса за прекинување на огнот во реонот на Донбас.