Габриел: Барањата на албанската опозиција се апсурдни
Шефот на германската дипломатија Зигмар Габриел синоќа и порача на албанската опозиција, предводена од Демократската партија на Љуљзим Баша, дека протестите и нејзините барања за формирање техничка влада се апсурдни во период пред избори.
- Германија и ЕУ немаат разбирање за барањата на опозицијата да се формра техничка влада само неколку недели пред изборите. Германската Влада смета дека бојкотот на Парламентот не е начин да се изрази волјата на народот, посочи Габриел по средбата со неговот албански колега Дитмир Бушати во Тирана.
Тој, како што јави дописникот на МИА, ја повика албанската опозиција да го прекине бојкотот на Парламентот, да не ги блокира правосудните реформи и да учествува на парламентарните избори закажани за 18 јуни.
Албанската опозиција, која протестира без прекин од 18 февруари, барајќи формирање техничка влада што „ќе спроведе слободни и фер избори“, освен бојкотот на Парламентот, не се регистрираше ни за учество на престојните јунски парлментарни избори.
Ново на Сител
-
Маж оштетувал надгробни плочи на гробиштата во Ѓорче Петров
-
Кремљ: Голем дел од Украина сака да биде руски, што одговара на изјавите на Трамп
-
Пријавил кражба, а украдените предмети всушност ги дал на друго лице - пријава за „лажно пријавување на кривично дело“
-
Нови наоди за „Изгубениот град“ на дното на во Атлантскиот Океан
-
Почина осуденик во затворот К’шање
-
Над 200 илјади родители и старатели може да пристапат до Е-дневникот преку мобилна апликација
-
Објавен списокот на кошаркари за натпреварите со Естонија и Полска
-
Училиштата ќе добијат упатство за постапување во случај на хибридни закани