Габореј Сидибе призна дека страдала од булимија и депресија

Пред да стекне светска слава, Габореј Сидибе се борела со булимија, а поради депресијата причинета од оваа болест, таа била на чекор до смртта, пред една понуда за улога да и го промени животот.

Во книгата „Ова е само моето лице - немојте да се џарите", Габореј вели дека постојано се терала себеси да повраќа и дека единстввено тогаш не се чувствувала лошо.

- Не можев да престанам да плачам, мразев се на себеси. Единствено кога повраќав, бев мирна. Не сфаќав зошто не можам да бидам среќна како и сите околу мене, раскажува Габореј.

- За среќа, најдов добра психијатарка, која ми предложи да почнам да се занимавам со телемаркетинг, а јас одлучив дека би било најдобро да се вработам на „хотлајн", објаснува таа за периодот кога имала 21 година.

Тоггаш и се случило нешто што засекоггаш и го промени животот и ја лансираше во ѕвездите - доби улога во филмот „Прешс" во 2009 година, за која освои и номинација за Оскар.