Г. Тимотеј: Македонците во Австралија да бидат со МПЦ-ОА

Светиот архиерејски синод на Македонската православна црква - Охридска архиепископија не ги сака имотите на Македонците во Австралија туку сака да е со својот народ и сака народот да е со светата Македонска православна црква.

Ова го порача владиката Тимотој, кој заедно со секретарот на Дебарско-кичевската епархија протојереј Никола Христоски и епархискиот протоѓакон Николче Ѓурчиноски се во редовна канонска визита во Перт, Западна Австралија каде што ја посетија новоформираната Австралиско-сиднејска епархија на Македонската православна црква-Охридска архиепископија. 

Високата црковна делегација беше пречекана од претседателот на Црковната управа при црквата „Св Никола“, Јоте Ќандовски заедно со членовите на управата, свештеникот Станко Јованановски и бројни верници, а присуствуваше и почесниот конзул на Република Македонија Зоран Ќосески.

Предвидено е владиката Тимотеј за време на посетата да одржи света архиерејска литургија во црквата Свети Никола.